27 październik/кастрычнік 2017
Незвычайны ўрок.
27 кастрычніка на ўрок беларускай мовы нашых першакласнікаў з'явіліся незвычайныя госці. Прыйшлі да нас Віктар Швед з жонкай Валянцінай. Рэдактарка "Нівы" Ганна Кандрацюк-Свярубская і журналіст Зміцер Косьцін. Вучні праспявалі песні "Нам сем гадоў" і "Мы першакласнікі", а таксама выслухалі расказаў паэта пра ягонае жыццё. Спадар Швед прачытаў дзецям некалькі сваіх вершаў. Былі таксама падарункі. Дзеці атрымалі кніжкі "Вясёлка" і закладкі з вершам, які прагучаў у Оперы і філармоніі падляшскай. А настаўніца беларускай мовы Аліна Ваўранюк букет бел-чырвона-белых ружаў. Дзякуем спадарству Валянціне і Віктару Шведам за незабыўны ўрок.
Вашае меркаванне