byby
plpl
25 wrzesień/верасень 2021
Падляшскі вянок
Беларускі дзіцячы ансамбль танца «Падляшскі вянок» («Padlaski Wianok») Абяднання ў карысць дзяцей і моладзі, якія вывучаюць беларускую мову, АБ-БА ў Беластоку стварыўся ў кастрычніку 2015 г. Стваральніцай, інструктарам, харэографам і мастацкім кіраўніком гурта зяўляецца Аксана Прус.
На сёння ансамбль налічвае 52 удзельнікі (5-15 гадоў) – 3 танцавальныя групы: малодшую і 2 старэйшых - з вучняў, якія вывучаюць беларускую мову ў Пачатковай школе № 4 ім. Сібіракаў у Беластоку. Заняткі адбываюцца 2 разы ў тыдню. Створаны сталы рэпертуар калектыву, падставай якога зяўляюцца беларускія танцы, гульні і песні. На працягу апошніх 3 гадоў арганізуюцца выяздныя курсы і майстар-класы для ўдзельнікаў калектыву па беларускаму і класічнаму танцам. гімнастыцы і асновам сучаснага танцавальнага фальклору.

Калектыў дзейнічае дзякуючы фінансавай датацыі Міністэрства Ўнутраных Спраў і Адміністрацыі Польшы, Упраўленню Падляшскага ваяводства.
Беларускі дзіцячы ансамбль танца «Падляшскі вянок» у апошнія гады стаў сталым ўдзельнікам беларускіх імпрэз, якія ладзяцца на Падляшшы, славутым традыцыямі культур розных нацыянальнасцяў. Гэта і знакамітыя Дні славянскай пісьменнасці і культуры ў Бельску, традыцыйныя Дні з беларускай культурай у Дуброве Беластоцкай, у Орлі, у Шчытах, конкурсы беларускай песні, паэзіі і святы, арганізаваныя Таварыствам Беларускай Культуры ў Беластоку, а таксама традыцыйныя канцэрты нацыянальных меншасцяў.

«Падляшскі вянок» - удзельнік абласнога фестывалю харэаграфіі «Чароўны свет танца» ў Гародні на Беларусі 2017, дыпламант ХХІV Спатканняў нацыянальных суполак Польшчы ў Пуньску 2017, дыпламант ХІ Фестывалю культур у Беластоку 2018, Ваяводскіх аглядаў фальклорных ансамбляў песні і танца (3-месца Граева – 2017 г., 2-е месца Васількоў – 2019 г. – асобна у катэгорыях «Дзеці» і «Моладзь»).
За кароткую гісторыю існавання калектыў прыняў удзел у больш як 65 канцэртах, неаднарозова выступаў з самастойнай сольнай праграмай (у Беластоку, у Гародні на Беларусі, у Круклянках на Мазурах). У 2018 г. «Падляшскі вянок» прымаў ўдзел ў ХVI Міжнародным моладзевым фестывалі фальклору «Прыморска 2018» у Балгарыі, дзе здабыў дыплом Лаўрэата фестывалю. У 2019 г. ансамбль атрымаў дыпломы ХІІ Міжнароднага фестывалю культуры, мастацтваў і фальклору «Падляшская Актава Культур» у Беластоку, ХVIІ Міжнародных мастацкіх спатканняў “Ператоча 2019” у Белавежы, ІХ Агульнапольскага агляду дзіцячых фальклорных калектываў “Фальклор на банк” у Браньску (2-е месца), дыплом XXIV Міжнароднага фестывалю дзіцячых і моладзевых фальклорных калектываў нацыянальных меньшасцяў у Венгажэва – 2019 год. У 2021 годзе гурт здабыў 2 дыпломы Лаўрэатаў 2 ступені (старэйшая група асобна і змешаная група асобна) у Міжнарожным фестывалі “Таленты Еўропы” ў Гішпаніі - Лларэ дэ Мар), 2 дыпломы Лаўрэатаў 1 ступені (катэгорыі “Танец народны” 9-10 гадоў і 13-14 гадоў) і дыплом Лаўрэата 2 ступені (катэгорыя “Танец народны” 7-8 гадоў) у Міжнародным фестывалі “Будучыя зоркі” ў Італіі – Рыччонэ).

Удзельнікі гурта Марыя Пякарская, Сара Скаўроньская, Кацярына Іванюк, Мікалай Здрайкоўскі, Юлія Баравік адзначаны стыпендыямі маршалка Падляшскага ваяводства за мастацкія дасягненні на 2019 год, Аляксандар Хаманюк – стыпендыяй прэзыдэнта Беластоку за мастацкія дасягненні на 2019 год, Шыман Клімюк, Агата Лукашэвіч, Ніка Паўлоўская - стыпендыямі маршалка Падляшскага ваяводства за мастацкія дасягненні на 2020 год, Аляксандар Здрайкоўскі, Антаніна Іванюк, Меланія Чурак, Аляксандар Хаманюк і Юлія Баравік - стыпендыямі маршалка Падляшскага ваяводства за мастацкія дасягненні на 2021 год.
Згодна з партнёрскай дамовай паміж Аб’яднаннем АБ-БА і Гарадзенскім каледжам мастацтваў з Беларусі ансамбль “Падляшскі вянок” падтрымлівае цёплыя сяброўскія кантакты з дзіцячым ансамблем танца “Гарадзенскія каруначкі”.

Гурт развіваецца і расце, а таксама штогод запрашае пад свае крылы новых таленавітых удзельнікаў, што вывучаюць беларускую мову ў Пачатковай школе № 4 ім. Сібіракаў у г. Беластоку.

Кантакт:
Кіраўнік: Oksana Prus
mobile: +48 883 379 191
e-mail: perilova@mail.ru

Паглядзіце нашыя выступы:
https://youtu.be/BC1KJkDBrfM
https://youtu.be/2HhbbgD7jj8
https://youtu.be/vBybKP8UjOE
https://youtu.be/yv4ZcDfuwBw
https://youtu.be/LQHpLtSRhys
https://youtu.be/kqySsDdsVxM
https://youtu.be/KiCQBCzEW-0
https://youtu.be/1662cAQFdBo
https://youtu.be/sJRvSS0qfkw
https://youtu.be/buT-tzbh2mw
https://youtu.be/5EsmQtj5_rs